ಸಖತ್ “ದುಬಾರಿ” ಆದ ಆ್ಯಕ್ಷನ್ ಪ್ರಿನ್ಸ್ “ಧ್ರುವ ಸರ್ಜಾ”
ಧ್ರುವ ಸರ್ಜಾ ಹೊಸ ಸಿನಿಮಾ ‘ದುಬಾರಿ’ ಚಿತ್ರದ ಟೈಟಲ್ ಲಾಂಚ್ ಹಾಗೂ ಮುಹೂರ್ತ ಇಂದು ಬೆಳಗ್ಗೆ ನವರಂಗ್ ಬಳಿಯಿರುವ ಶ್ರೀ ವರಸಿದ್ಧಿ ವಿನಾಯಕ ದೇವಸ್ಥಾನದಲ್ಲಿ ಮೂಹೂರ್ತ ಪೂಜೆ ನೆರವೇರಿತು.
ಈ ಕಾರ್ಯಕ್ರಮದಲ್ಲಿ ಚಿತ್ರಕ್ಕೆ ಶುಭ ಕೋರಲು ದೊಡ್ಡಣ್ಣ, ಧರ್ಮ, ಚಂದನ್ ಶೆಟ್ಟಿ, ನಿರ್ದೇಶಕ ಭರ್ಜರಿ ಚೇತನ್, ಅಯೋಗ್ಯ ನಿರ್ದೇಶಕ ಮಹೇಶ್ ಕುಮಾರ್ ಹಾಗೂ ನಟ ಪ್ರಥಮ್ ಇನ್ನೂ ಮುಂತಾದವರು ಉಪಸ್ಥಿತರಿದ್ದರು.
ಇಂದು ಚಾಲನೆ ಗೊಂಡಿರುವ ದುಬಾರಿ ಚಿತ್ರತಂಡ ನವೆಂಬರ್ ಕೊನೇ ವಾರದಲ್ಲಿ ಚಿತ್ರೀಕರಣಕ್ಕೆ ಯೋಜನೆ ಸಿದ್ಧಪಡಿಸಿಕೊಂಡಿದೆ.
ಪೊಗರು’ ಚಿತ್ರದ ನಂತರ ನಿರ್ದೇಶಕ ನಂದಕಿಶೋರ್ ಹಾಗೂ ಧ್ರುವ ಸರ್ಜಾ ಕಾಂಬಿನೇಷನ್ನಲ್ಲಿ ಬರ್ತಿರೋ ಎರಡನೇ ಸಿನಿಮಾ ಇದಾಗಿದೆ.
‘ದುಬಾರಿ ಚಿತ್ರದಲ್ಲಿ ಹೊಸ ಅವತಾರದೊಂದಿಗೆ ಆಕ್ಷನ್ ಪ್ರಿನ್ಸ್ ಬರೋದು ಗ್ಯಾರಂಟಿ…!!!! ಚಿತ್ರಕ್ಕೆ ‘ದುಬಾರಿ’ ಅಂತ ಹೆಸರಿಟ್ಟ ಮೇಲೆ ಚಿತ್ರ ದುಬಾರಿ ಆಗೋದ್ರಲ್ಲಿ ಸಂದೇಹವಿಲ್ಲ..! ದುಬಾರಿ ಚಿತ್ರಕ್ಕೆ ಉದಯ್ ಮೆಹ್ತಾ ಬಂಡವಾಳ ಹೂಡುತ್ತಿದ್ದಾರೆ.
ಈ ಹಿಂದೆ ಈ ಸಿನಿಮಾಗೆ ‘ಜಾಂಬವಂತ’ ಅಂತ ನಾಮಕರಣ ಮಾಡೋ ಪ್ಲ್ಯಾನ್ ಮಾಡಿಕೊಂಡಿತ್ತು ಚಿತ್ರತಂಡ. ಸ್ವಲ್ಪ ರಗಡ್ ಮತ್ತು ಖಡಕ್ ಆಗಿ ಬರೋ ನಿರೀಕ್ಷೆಯಲ್ಲಿ ಟೈಟಲ್ ಚೇಂಜ್ ಮಾಡಲಾಗಿದೆ.
